كلمات اغنية مش باقى غير شويه ضى من فيلم دكان شحاته

مش باقى منى غير شويه ضى

مش باقى منى غير شوية ضى فى عينيا ، انا حاديهوملك و امشى بصبرى فى الملكوت
يمكن فى نورهم تلمحى خطوة تفرق معاكى بين الحياة و الموت
مش باقى منى غير شوية قوة فى إرادتى حسبى عليهم و انتى بتخطى
مش باقى منى غير شوية ضى فى عينيا انا مش عايزهم ، لو كنت يوم حألمحك و انتى بتوطى
فى معركة ما فيهاش و لا طايرات و لا جيش
و انتى فى طابور العيش
بتبوسى ايد الزمن ينولك لقمة ، من حقك المشروع
مش باقى منى غير شرقة فى نفس مقطوع
و انا صوتى مش مسموع
يا حلمنا الموجوع
من المرور ممنوع
مستنى لم يمر موكب سلاطينك

و مش باقى منى غير شوية كفر بشروقك
على شوية رحمة من طينك
على شوية صبر من دينك
مش باقى منى غير شوية لحم فى كتافى ، بلاش يتبعتروا فى البحر
مش باقى منى غير شوية لحم فى كتافى ، بلاش يتحرقوا فى قطر الصعيد فى العيد
بلاش لكلب الصيد تناوليهم
خدى اللى باقى من الأمل فيهم و ابنى لى من عضمهم فى كل حارة مقام
و زورينى مرة وحيدة لو كل ألفين عام
ألم الجراح يتلم
و مش باقى منى غير شوية دم
متلوثين بالهم
مرين و فيهم سم
و مش باقى منى غير شوية دم ، ما قدركش أسقيكى مواجعهم
و برضه ما قدرش أرميكى و أبعهم
يمكن فى مرة تطلبينى شهيد حاحتاج يوميها الدم يمضى على شهادتى

كلمات الاغنية روعة جزاك الله خيرا

مشكور ياعمده على الكلمات

» كلمات اغنية دنيا فاضية
» كلمات اغنية نادر نور قولى الحقيقه
» اسمع شريف الغمراوى بيعمل مولد دكان شحاته جااااامد
» اسمع شهريار المزيكا محمدعبد السلام ومولد دكان شحاته وتحدي على شيكا
» كلمات اغنيه تامر عاشور فيلم